28.09.2024
Արցախում կորոնավիրուսային հիվանդության նոր դեպք չի գրանցվել
prev Նախորդ նորություն

Ծառուկյանին մտահոգում են գործողություններ, որոնք վտանգում են ազգային դիմագիծն ու արժեքները

Ցավալի է, որ Գագիկ Ծառուկյանի բովանդակային քննադատությունը այս կամ այն ոլորտում առկա հիմնախնդիրների վերաբերյալ հերթական անգամ առաջացրել է հայտնի շրջանակների կողմից ուղղորդված հիստերիկ և ոչ ադեկվատ արձագանքը: Առավել ցավալի է, որ այդ գործընթացում օգտագործվում են քաղաքական ժամկետնանց և մաշված ազատարշակյանանման գործիքներ, որոնք իրենց անիմաստ գոյությունը պահպանում են բացառապես տարբեր ժամանակներում քաղաքական էժան պատվերներ կատարելով: Այս մասին Facebook-ի իր էջում գրել է ԲՀԿ նախագահի խոսնակ, ԱԺ պատգամավոր Իվետա Տոնոյանը:


«Ինչ վերաբերում է այն բարբաջանքներին, թե Գագիկ Ծառուկյանն այն մարդը չէ, որը պետք է խոսի կրթական ոլորտի կամ չափորոշիչների մասին, ապա դրանք ընդամենը մանիպուլյացիայի հերթական դրսևորումներ են, որոնք նպատակ ունեն խեղաթյուրել ԲՀԿ նախագահի խոսքերը:


Ընկալունակության հետ խնդիրներ ունեցողների համար ևս մեկ անգամ առանձնահատուկ ուզում եմ շեշտել՝ Գագիկ Ծառուկյանի անհանգստությունն ավելի գլոբալ է, քան առանձին չափորոշիչները կամ կրթական ոլորտի այս կամ այն խնդիրը: Գագիկ Ծառուկյանին մտահոգում են այն գործողությունները, որոնք կարող են վտանգել մեր ազգային դիմագիծն ու մեր քրիստոնեական արժեքները:


Ավելի պարզ՝ ԲՀԿ նախագահն ընդամենն ասում է, որ Հայ եկեղեցու պատմությունը, քրիտոնեական արժեքներն ու առհասարակ, մեր ազգային արժեհամակարգն այլընտրանք չպետք է ունենան, և որ ժողովուրդը պետք է տեղյակ լինի, թե ինչ գործընթացներ են տեղի ունենում: Հետաքրքիր է՝ այն մարդիկ, որոնք ջանասիրաբար փորձում են քննադատել Գագիկ Ծառուկյանի՝ հատկապես այս մտահոգությունները, իրենք ի՞նչ արժեհամակարգի և գաղափարների կրող են, ինչպե՞ս են դաստիարակում իրենց երեխաներին ու թոռներին, և ի՞նչ արժեքներ են փոխանցում... Թեպետ ի՞նչ արժեքների մասին է խոսքը, երբ իրենց գլխավոր արժեքը պատվերի գինն է...»,- գրել է Ծառուկյանի խոսնակը:


 

Նիկոլ Փաշինյանը մեկնում է արձակուրդ
Հաջորդ նորություն next
 Հայաստանի իրավունքն է աշխատել իր պաշտպանական ունակությունների վրա. ԵՄ խոսնակը` Ալիևին
28.09.2024
Հայաստանի իրավունքն է աշխատել իր պաշտպանական ունակությունների վրա. ԵՄ խոսնակը` Ալիևին