ՌԴ ՊՆ-ն հայտնում է կորոնավիուսի դեմ ռուսական առաջին պատվաստանյութի պատրաստ լինելու մասին

Ռուսաստանի պաշտպանության նախարարությունը հայտնում է կորոնավիրուսային վարակի դեմ ռուսական առաջին պատվաստանյութի պատրաստ լինելու մասին:

ՌԴ պաշտպանության նախարարի տեղակալ Ռուսլան Ցալիկովը հայտնել է, որ պատվաստանյութի ստեղծմանը մասնակցել են ռազմական մասնագետները և Ազգային հետազոտական կենտրոնի գիտնականները:

«Արվել են փորձարկումների արդյունքների վերջնական գնահատականները: Դուրս գրվելու պահին բոլորն առանց բացառության իրենց լավ են զգացել՝ ստանալով կորոնավիրուսի դեմ իմունիտետ։ Այսպիսով՝ կորոնավիրուսի դեմ առաջին պատվաստանյութը պատրաստ է»,- հայտնել է նա։

Ավելի վաղ ՌԴ ՊՆ-ն հայտնել է, որ կամավորների մասնակցությամբ և Համաճարակաբանության և մանրէաբանության ազգային հետազոտական կենտրոնի հետ համատեղ հաջողությամբ ավարտել է կորոնավիրուսի դեմ պատվաստանյութի կլինիկական փորձարկումների փուլը։