19.03.2024
Ընտրությունները ցույց տվեցին, որ Արցախը ժողովրդավարական երկիր է. Արմեն Սարգսյան
prev Նախորդ նորություն

Նորություններ գործընկերներից

ՏՄՊՊՀ-ն խնդիր չի տեսնում. Եսայան եղբայրները կարող են գնել «ՎԵՈՆ Արմենիա»-ն

Տնտեսական մրցկցության պաշտպանության պետական հանձնաժողովը թույլատրել է «ՎԵՈՆ Արմենիա» փակ բաժնետիրական և «Թիմ» սահմանափակ պատասխանատվությամբ ընկերությունների համակենտրոնացումը:


«Տեղեկացնում եմ, որ նախօրեին՝ հուլիսի 9-ին, տեղի ունեցած ՀՀ ՏՄՊՊՀ նիստում որոշում է կայացվել թույլատրել «ՎԵՈՆ Արմենիա» փակ բաժնետիրական և «Թիմ» սահմանափակ պատասխանատվությամբ ընկերությունների համակենտրոնացումը` «Թիմ» սահմանափակ պատասխանատվությամբ ընկերության կողմից «ՎԵՈՆ Արմենիա» փակ բաժնետիրական ընկերության 100 տոկոս փայաբաժնի ձեռքբերման միջոցով:


Միևնույն ժամանակ սահմանվել է, որ «ԹԻՄ» սահմանափակ պատասխանատվությամբ ընկերությունը պարտավորվում է համակենտրոնացումը գործողության մեջ դնելուց հետո առնվազն վեց ամսվա ընթացքում աշխատակիցների զանգվածային ազատումներ (աշխատողների ընդհանուր թվի ավելի քան 10 տոկոսը) չիրականացնել», - ասված է ՏՄՊՊՀ-ի տարածած մամուլի ծառայության մեջ:


«Թիմ» ընկերության սեփականատեր են հանդիսանում «Յուքոմ»-ի փոքրամասնական (6%) բաժնետերեր Ալեքսանդր և Հայկ Եսայանները, որոնցից վերջինն ընկերության գլխավոր տնօրենն էր, մյուս բաժնետերերի որոշմամբ հեռացվեց այդ պաշտոնից։ 


Եսայան եղբայրներն այնուհետև հայտարարեցին «Յուքոմ»-ի մնացած բաժնեմասը գնելու պատրաստակամության մասին, սակայն մեծամասնական բաժնետերերը արհամարհեցին այդ առաջարկը։ Որոշ ժամանակ անվ Եսայան եղբայրները հայտարարեցին իրենց նոր՝ «Թիմ» ընկերության ստեղծման և «ՎԵՈՆ Արմենիա»-ն գնելու իրենց ծրագրի մասին։


Նշենք, որ տարեսկզբին «Յուքոմ» ՓԲԸ-ն ինքն էր պատրաստվում գնել «ՎԵՈՆ Արմենիա» ընկերությունը, սակայն «Յուքոմ»-ի շուրջ զարգացումների արդյունքում «ՎԵՈՆ Արմենիան» հրաժարվեց այդ գործարքից։ «Յուքոմ» ընկերության խոշոր բաժնետեր Գուրգեն Խաչատրյանի (ՊԵԿ նախկին նախագահ Գագիկ Խաչատրյանի որդին) նկատմամբ հարուցվեց քրեական գործ կաշառքին օժանդակելու մեջ, որը թաքնվում է քննությունից։ 


 


 

Մակունցը ՌԴ դեսպանի հետ քննարկել է «Տեսալսողական մեդիայի մասին» օրինագիծը
Հաջորդ նորություն next