Հանրապետության տարածքին Սև ծովի շրջաններից մոտենում է ցիկլոնային դաշտ

Հանրապետության տարածքին Սև ծովի շրջաններից մոտենում է ցիկլոնային դաշտ։ Այս մասին Facebook-ի իր էջում գրել է Հիդրոօդերևութաբանության և մոնիտորինգի կենտրոնի փոխտնօրեն Գագիկ Սուրենյանը:

«Հունիսի 26-ի երեկոյան ժամերին ամպրոպային բնույթի կարճատև անձրևներ կսկսվեն հիմնականում հյուսիսային շրջաններում, հունիսի 27-28-ին դրանք կդիտվեն շրջանների զգալի մասում։ Առանձին հատվածներում հնարավոր է կարկուտ, ամպրոպների ժամանակ սպասվում է քամու ուժգնացում 20-25մ/վրկ։ Օդի ջերմաստիճանը հունիսի 27-ի ցերեկը կնվազի 6-8 աստիճանով»,- գրել է նա։