Ռոբերտ Քոչարյանը չեր ներկայացել դատարան. նիստը հետաձգվեց

Դատարանն այսօր՝ մայիսի 19-ին, որոշեց հետաձգել Մարտի 1-ի գործով առանցքային մեղադրյալ Ռոբերտ Քոչարյանի եւ մյուսների գործով հերթական դատական նիստը:

Երեւանի ընդհանուր իրավասության դատարանի Շենգավիթի նստավայրում նախագահող դատավոր Աննա Դանիբեկյանը հայտնեց, որ Ռոբերտ Քոչարյանը, համաձայն «Իզմիրլյան» բժշկական կենտրոնից ստացված տեղեկանքի, գտնվում է ստացիոնար բուժման մեջ եւ չի կարող ներկայանալ այսօրվա դատական նիստին:

«Հաշվի առնելով, որ ամբաստանյալի բացակայությամբ նիստը չի կարող շարունակվել, այսօրվա դատական նիստը հետաձգվում է»,- հայտնեց դատավորը:

Հաջորդ նիստը նշանակվեց մայիսի 26-ին՝ ժամը 13:00-ին:

VERELQ-ը հայտնել էր, որ Երևանի ընդհանուր իրավասության դատարանի դատավոր Աննա Դանիբեկյանը մերժեց Ռոբերտ Քոչարյանին Հայաստանի ու Արցախի չորս նախկին վարչապետների անձնական երաշխավորությամբ ազատ արձակելու միջնորդությունը: