Չինաստանից Հայաստան է ներկրվել 100 հազար թեստերի ռեագենտներ

Նախօրեին Չինաստանից Հայաստան է ներկրվել 100 հազար թեստերի ռեագենտներ, որոնք հանձնվելու են Մոլեկուլյար կենսաբանության ինստիտուտին: Այս մասին կառավարության այսօրվա նիստում հայտարարեց փոխվարչապետ, պարետ Տիգրան Ավինյանը:

Նրա խոսքով, Հայաստանում սկսելու են արտադրել ՊՇՌ թեստեր։  

Ավինյանի տեղեկացմամբ, չվերթն իրականացվել է ՀՀ ԱԳՆ և ՊՆ աջակցությամբ:

VERELQ-ը հիշեցնում է, որ կիրակի օրը Մոսկվա-Երևան երրորդ չարտերային թռիչքով Հայաստան է վերադարձել 230 քաղաքացի, օդանավով, բացի այդ, Հայաստան են տեղափոխվել ռուսական կողմից ՀՀ Առողջապահության նախարարությանը փոխանցված կորոնավիրուսի ախտորոշման թեստերը, այլ երկրներից Մոսկվա տարանցման ճանապարհով բերված ռեագետներն ու տարբեր անհրաժեշտ պարագաներ։