Կորոնավիրուսը փրկում է. պատգամավոր

Կորոնավիրուսը փրկում է: Այս մասին Facebook-ի իր էջում գրել է Ազգային ժողովի ԲՀԿ խմբակցության պատգամավոր Գեւորգ Պետրոսյանը:

«Դե, ինչպես ասում են՝ «չկա չարիք՝ առանց բարիքի»: 

Տնտեսական հեղափոխության ու մարդկանց կյանքը բարելավելու՝ դեռեւս չիրականացված խոստումը դարձյալ մի քանի ամիս հեռու տշելու առիթն այս անգամ կորոնավիրուսն է:

Կառավարությունը յոթ երգ է երգում, յոթն էլ հայտնի վիրուսի մասին:

Դե իսկ ժողովուրդը դեռ համբերատար սպասում է:

Հա, չմոռանանք, որ կորոնավիրուսի տարածման մեղավորը ոչ այլ ոք է, քան հենց ինքը՝ քաղաքացին:

Հերիք չի, որ նա իր գլխից չի հանում աղքատությունն ու շարունակում է սոված ապրել, մի բան էլ՝ օրը մի քանի անգամ չի չափում իր ջերմաստիճանը եւ չի ինքնամեկուսացվում:

Արա, բայց ինչ ամոթ ա», - նշել է նա:

VERELQ-ը հիշեցնում է, որ Հայաստանում մարտի 13-ի դրությամբ կա կորոնավիրուսով վարակված 13 հաստատված դեպք: