Թեհրանից ժամանեց երկրորդ ինքնաթիռը ՀՀ 82 քաղաքացիներով

Թեհրանից ժամանեց հերթական և, կարծես թե, այս պահին վերջին ինքնաթիռը մեր 82 քաղաքացիներով։ Այս մասին հայտնել է ՀՀ առողջապահության նախարար Արսեն Թորոսյանը:

«Նրանց կրկին ուղեկցել էր մեր մասնագետը՝ հենց Թեհրանից հետևելով նրանց ինքնազգացողությանը և օբյեկտիվ ախտանշաններին։ Ուղևորներից ոչ մեկ չի ունեցել բարձր ջերմություն կամ սուր շնչառական վարակի ախտանիշ։

Նրանք բոլորը կգտնվեն տնային հսկողության տակ։

Մինչ օրս կատարվել է 108 լաբորատոր տեստ. բոլորը եղել են բացասական»,- գրել է նախարարը Facebook-ի իր էջում։