Ադրբեջանում գրանցվել է պատգամավորի 1623 թեկնածու

Ադրբեջանի արտահերթ խորհրդարանական ընտրություններին մասնակցելու համար դիմել է 2 431 հոգի, որից 1623-ի թեկնածությունը գրանցվել է:

Այս մասին տեղեկացնում է Կենտրոնական ընտրական հանձնաժողովը:

Ստորագրաթերթ է վերցրել 2247 հոգի, նրանցից 1774-ը հաղթահարել է ստորագրությունների շեմը: Այսպիսով, գրանցվել է ստորագրությունների շեմը հաղթահարած անձանց ավելի քան 90 տոկոսը:

Ադրբեջանում արտահերթ խորհրդարանական ընտրությունները նախատեսված են փետրվարի 9-ին: