Ադրբեջանը Իրանի հետ կկապի նոր ավտոմոբիլային մայրուղի

Սկսվել են ադրբեջանական և իրանական Աստարա քաղաքները իրար կապող ավտոմայրուղու շինարարական աշխատանքները: Այս մասին ասել է Իրանի ճանապարհների քաղաքաշինության փոխնախարար Խայրուլլա Հադեմին:

Նրա խոսքով, այդ ճանապարհի երկարությունը շուրջ 1 300 մետր է:

«Իրանի և Ադրբեջանի միջև արտադրանքի տարանցումը և քաղաքացիների փոխադրումը մեր հիմնական խնդիրներից է: Այդ կապակցությամբ քաղաքի մերձակայքում կառուցվել է նոր տերմինալ», - հավելել է Հադեմին:

Փոխնախարարն անդրադարձել է նաև Ռաշտ-Աստարա երկաթուղուն:

«Քանի որ երկաթգիծը որոշ հատվածներում անցնում է ցանքատարածքներով՝ այդ տարածքները պետք է գնել դրանց տերերից», - նշել է նա: