Ադրբեջանական բանակի հրամանատարական կազմի հավաքներ են անցկացվում

Ադրբեջանի պաշտպանության նախարար Զաքիր Հասանովի կողմից հաստատված մարտական պատրաստության պլանի համաձայն՝ ադրբեջանական բանակի հրամանատարաղեկավար կազմի մասնակցությամբ հավաքներն են անցկացվում:

Պաշտպանության նախարարի տեղակալների, զորամիավորումների և զորատեսակների հրամանատարների, նախարարության գլխավոր վարչությունների և վարչությունների ու ծառայությունների պետերի, միավորումների և կազմավորումների հրամանատարների, շտաբների պետերի, ինչպես նաև այլ պատասխանատու սպաների մասնակցությամբ անցկացվող հավաքի մեկնարկից առաջ, անցկացվել է անձնակազմի շարային ստուգատես:

Տեսական և գործնական դասընթացներում ստուգվելու են՝ հավաքներին ներգրավված անձնակազմի գիտելիքները և հմտությունները, ինչպես նաև ֆիզիկական և շարային պատրատությունը: Հավաքների շրջանակներում ստուգարքներ են ընդունվելու՝ զինվորական կանոնադրությունների, ղեկավարող փաստաթղթերի և այլ նորմատիվ իրավական ակտերի, ինչպես նաև հրազենային զենքից հրաձգության իրականացման հետ կապված: