Զինված ուժերում կներդրվի դաշտային նոր համազգեստի տեսակ

Հայաստանի Զինված ուժերի զինծառայողների իրային ապահովման չափաքանակներում ներառվում է դաշտային նոր համազգեստի տեսակ՝ մինչեւ սեզոնային բաճկոնը: Համապատասխան որոշումն ընդունվեց կառավարության այսօրվա նիստում:

Ըստ այդմ, փոփոխություններ եւ լրացումներ կատարվեցին կառավարության նախկին որոշումներից մեկում:

ՀՀ Պաշտպանության նախարար Դավիթ Տոնոյանի խոսքով, նախատեսվում է ԶՈՒ զինծառայողների իրային ապահովման չափաքանակներում ներառել դաշտային նոր համազգեստի տեսակ՝ մինչեւ սեզոնային բաճկոնը, ինչպես նաեւ հստակեցնել սպիտակեղենի հատկացման քանակները: