Արժույթի միջազգային հիմնադրամն անփոփոխ է թողել Վրաստանի տնտեսական աճի կանխատեսումը

Արժույթի միջազգային հիմնադրամը ուժի մեջ է թողել Վրաստանի մասով կանխատեսումը, ըստ որի այս տարի տնտեսական աճը կկազմի 4.6 տոկոս: Այս մասին ասվում է հիմնադրամի Վրաստանում իրականացրած առաքելության ավարտից հետո հրապարակված մամլո հաղորդագրությունում:

«Վրաստանի էկոնոմիկայի հիմքը կրկին կայուն է: Չնայած համեմատաբար փոքր կայուն տնտեսական միջավայրի, 2019 թվականի առաջին կեսին տնտեսական ակտիվությունը եղել է նախատեսվածից ավելի դրական՝ շուրջ  5 տոկոս: Օգոստոսի տվյալներով, ավելացած գնաճը (տարեկան 4.9 տոկոս) պայմանավորված է ակցիզային հարկի վճարմամբ, սննդամթերքի ավելացած գնով և լարիի արժեզրկմամբ»,- հայտարարել է ԱՄՀ-ի առաքելության ղեկավար Մերսեդես Վերա-Մարտինը:

Հիմնադրամի ներկայացուցիչները կանխատեսում են, որ տարեվերջին գնաճը կկազմի 5.4 տոկոս:

ԱՄՀ-ի առաքելությունը Վրաստանում էր սեպտեմբերի 11-17-ին: