19.03.2024
Մայրը երեխային սպանել է՝ բերանին փաթաթելով կիսաշրջազգեստ ու դին դրել է աղբարկղի մեջ. ՔԿ
prev Նախորդ նորություն

Նորություններ գործընկերներից

Արցախը երբեք չի լինելու Ադրբեջանի կազմում. Սերժ Սարգսյան

ՀՀ երրորդ նախագահ Սերժ Սարգսյանը շնորհավորական ուղերձ է հղել Արցախի Հանրապետության հռչակման 28-րդ տարեդարձի առթիվ։


Ուղերձում, մասնավորապես, ասվում է.


«Սիրելի՛ հայրենակիցներ,


Շնորհավորում եմ բոլորիս համար նվիրական տոնի` Արցախի Հանրապետության անկախության հռչակման 28-րդ տարեդարձի առթիվ:


Սեպտեմբերի 2-ը համահայկական տոն է, միասնության խորհրդանիշ, որ ամեն տարի համախմբում է աշխարհասփյուռ հայությանը՝ իր հաղթանակի եւ հպարտության, միաժամանակ՝ իր ամենօրյա խորհրդածումների առարկան դարձած Արցախի շուրջ, որի հզորացման համար առ այսօր չի խնայվել ոչինչ:


Համահայկական հոգատարության եւ սիրո բազմաթիվ վկայություններ կան Արցախում, որ ստեղծվել են անցած շուրջ երեք տասնամյակում` ճանապարհներ, դպրոցներ, մանկապարտեզներ, մշակույթի օջախներ, եկեղեցիներ, բնակարաններ… Եվ այդ ամենն իրողություն է դարձել աշխարհի չորս կողմերում եւ մայր հայրենիքում բնակվող մեր հայրենակիցներից լումա առ լումա հավաքված միջոցների շնորհիվ` ազատ ու անկախ Արցախը օր առաջ հզոր եւ անվտանգ տեսնելու ցանկությամբ:


Արցախը 28 տարի առաջ իր հաստատուն ուղին ընտրեց եւ այդ անբեկանելի որոշումը կայացրեց` թիկունքին զգալով մայրաքաղաք Երեւանի Ազատության հրապարակում եւ աշխարհի բազմաթիվ հայաշատ քաղաքներում բռունցքները վեր պարզած բազմահազար հայորդիների միասնության ուժը:


Ոչ մի դեպքում չպետք է թույլ տանք Արցախի հարցում համահայկական միասնականության խաթարում: Այսօր դա նույնքան վտանգավոր է, որքան կարող էր լինել ազատամարտի տարիներին: Չգիտակցել դա` նշանակում է վտանգի տակ դնել Հայրենիքը հանուն այսրոպեական, անձնական, քաղաքական կամ այլ անցողիկ շահերի:


Այսօր ես ցանկանում եմ առանձնահատուկ շնորհավորել իմ մարտական ընկերներին, այդ թվում` Արցախի Հանրապետության նախագահ Բակո Սահակյանին եւ նախորդ բոլոր ղեկավարներին:


Մեծարգո՛ նախագահ Սահակյան,


Խնդրում եմ իմ շնորհավորանքը փոխանցել նաեւ Արցախի Ազգային ժողովի նախագահին, պետական նախարարին, բոլոր նրանց, ովքեր իրենց ավանդն են ունեցել եւ այսօր ունեն Արցախի Հանրապետության կայացման ու զարգացման գործում, բոլոր այն հերոս տղաներին, որ պատերազմի դաշտում իրենց կյանքը վտանգելով պաշտպանեցին պատմական հայրենիքում ազատ եւ անկախ ապրելու արցախցիների իրավունքը: Փառք նրանց եւ խոնարհում մեր նահատակված հերոսների պայծառ հիշատակի առջեւ, քանզի միայն իր հերոսներին արժեւորող ժողովուրդը կարող է հետագա հաղթանակներ ունենալ:


Այսօր էլ մեր զավակներն են Արցախի պետական սահմանին նույն նվիրումով կատարում իրենց պարտքը` պաշտպանելով իրենց հայրերի ու պապերի կյանքի գնով նվաճված անկախությունը: Աստված զորավիգ եւ պահապան մեր զավակներին:


Ինչպես տարիներ շարունակ ասել եմ, այսօր եւս ցանկանում եմ կրկնել, որ Արցախը երբեք չի լինելու Ադրբեջանի կազմում:


Մեր համազգային տոնի առթիվ մաղթում եմ Արցախին խաղաղություն, կայունություն, բարօրություն եւ նորանոր հաջողություններ պետականաշինության գործում»:


 

Բակո Սահակյանն ու Արարատ Միրզոյանը քննարկել են երկու խորհրդարանների փոխգործակցությունը
Հաջորդ նորություն next