Խոշոր հրդեհ Հրազդանի կիրճում․ դեպքի վայր է մեկնել չորս մարտական հաշվարկ

ԱԻՆ «911» ծառայությանն այսօր՝ հուլիսի 10-ին, ժամը 21:42-ին ահազանգ է ստացվել, որ Երևան քաղաքի Հրազդանի կիրճում՝ մանկական երկաթուղու մոտակայքում, այրվում է խոտածածկ տարածք: Այս մասին հայտնում են ԱԻՆ լրատվական ծառայությունից։

Հրդեհի բարդության «1-ԲԻՍ» կանչով դեպքի վայր են մեկնել չորս մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

Պարզվել է, որ այրվում է մոտ 4 հա բուսածածկույթ:

Հրդեհը մեկուսացվել է ժամը 23:04-ին: