ԱՄՆ-ն Իրանի հետ հակամարտություն չի ցանկանում. Բրայան Հուկ

ԱՄՆ-ն Իրանի հետ հակամարտություն չի ցանկանում, սակայն մտադիր է ամեն դեպքում միջազգային պաշտպանություն ստեղծել տարածաշրջանում: Այս մասին ասել է Իրանի հարցով ԱՄՆ հատուկ ներկայացուցիչ Բրայան Հուկը:

Նրա խոսքով՝ ԱՄՆ-ին պետք չէ Իրանի հետ պատերազմը: «Մենք տարածաշրջանում որեւէ հակամարտություն չենք փնտրում, սակայն եթե ԱՄՆ-ի վրա հարձակվեն, մենք ուժային պատասխան կտանք»,- ասել է նա: Հուկը հավելել է, որ ԱՄՆ-ը ձգտում է աջակցել Պարսից ծոցում ռազմածովային միջազգային ուժերին, հատկապես նավթային լցանավերի պաշտպանության համար: