28.03.2024
Ադրբեջանը մեծացնում է պաշտպանական ծախսերը
prev Նախորդ նորություն

Նորություններ գործընկերներից

Հայաստանի պատվիրակությունը լքել է Վրաստանի խորհրդարանի նիստերի դահլիճը

Վրաստանի խորհրդարանում տեղի ունեցած միջադեպից հետո հայկական պատվիրակությունը լքել է նիստերի դահլիճը:


Թբիլիսիում անցկացվում է Ուղղափառության միջխորհրդարանական վեհաժողովը, որը նախագահում է ռուս պատգամավոր Սերգեյ Գավրիլովը: Սակայն ռուս պատգամավորների ներկայությունն այնքան էլ միանշանակ չի ընդունվում․ նախ պատվիրակությանը Թբիլիսիում ակտիվիստները բողոքի ցույցով են դիմավորել, վանկարկելով, թե «Ռուսաստանն օկուպանտ է»: Այնուհետև Գավրիլովի ելույթի ժամանակ Վրաստանում Ուկրաինայի դեսպան Իգոր Դոլգովը՝ ի նշան բողոքի լքել է դահլիճը:


Ասամբլեային մասնակցում է նաև Հայաստանը` ԱԺ փոխնախագահ Ալեն Սիմոնյանի գլխավորած պատվիրակությամբ:


«Մեր պատվիրակությունն ամբողջական կազմով լքեց նիստերի դահլիճը: Իրավիճակը ոչ այնքան նորմալ էր և հաշվի առնելով, որ մի կողմից դաշնակից է, մյուս կողմից եղբայրական ժողովուրդ, մենք երկու քարի արանքում էինք, ուստի որոշեցինք լքել միջոցառումը»,- հայտարարել է ՀՀ պատվիրակության ղեկավար, Ազգային ժողովի փոխնախագահ Ալեն Սիմոնյանը, գրում է Aliq.ge-ն:


Վրաստանի խորհրդարանում վիճաբանություն է տեղի ունեցել, քանի որ ռուս պատգամավոր Սերգեյ Գավրիլովը ներկա է եղել խորհրդարանում անցկացվող ուղղափառ երկրների միջխորհրդարանական ասամբլեային և ղջեկավարել նիստը:


ՈՒղղափառության միջխորհրդարանային վեհաժողովի 26-րդ գլխավոր նստաշրջանը Վրաստանի խորհրդարանում չի շարունակվելու,-այս մասին հայտարարել է «վրացական երազանք» խմբակցության նախագահ, Մամուկա Մդինարաձեն:


Նրա խոսքով, ռուս պատգամավորը Վրաստանի խորհրդարանի նախագահի բազկաթոռին հայտնվել է սխալմամբ:


«Մենք ընդունել ենք որոշում, որ Վրաստանի խորհրդարանի նիստերի դահլիճում հենց այն բանի պատճառով, որ Գավրիլովը առանց համաձայնության հայտնվել է Վրաստանի խորհրդարանի խոսնակի բազկաթոռին և վարել նիստը, Վրաստանի խորհրդարանում վեհաժողովը չի շարունակվելու»,-հայտարարել է Մդինարաձեն:ա


Նա ներողություն է խնդրել վեհաժողովի մասնակիցներից և ասել, որ նիստը կկայանա այլ վայրում:


 

Խորհրդարանի խոսնակին խորհուրդ եմ տվել անհապաղ դադարեցնել նիստը. Բիձինա Իվանիշվիլի
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար