ՌԴ դեսպանատունը՝ դեսպանի և Քոչարյանի հանդիպման մասին

ՌԴ դեսպան Սերգեյ Կոպիրկինի և ՀՀ երկրորդ նախագահ Ռոբերտ Քոչարյանի հանդիպումը տեղի է ունեցել Հայաստանի քաղաքական գործիչների հետ դեսպանի հանդիպումների շրջանակում: Այս մասին ասված է ՌԴ դեսպանատան տարածած հայտարարության մեջ:

«Դեսպանը պարբերաբար հանդիպում է Հայաստանի քաղաքական, հասարակական և գործարար շրջանակների հետ: Նման հանդիպում էր նաև Ռոբերտ Քոչարյանի հետ հանդիպումը», — ասված է պարզաբանման մեջ:

Հանդիպման մանրամասները չեն հայտնվում:

Հիշեցնենք, նախօրեին ՀՀ երկրորդ նախագահի խոսնակ Վիկտոր Սողոմոնյանը VERELQ-ի հետ զրույցում հաստատել էր, որ Ռոբերտ Քոչարյանն ու ՀՀ-ում ՌԴ դեսպան Սերգեյ Կոպրիկինը հանդիպել են: