29.03.2024
Բրյուսելում հանդիպել են Զոհրաբ Մնացականյանն ու Ֆեդերիկա Մոգերինին
prev Նախորդ նորություն

Նորություններ գործընկերներից

Հայաստանի կոմունիստները Վլադիմիր Պուտինի օգնությունն են խնդրել Ղարաբաղի հարցում

Հայաստանի Կոմունիստական կուսակցությունը ուղերձով դիմել է Ռուսաստանի Դաշնության նախագահ Վլադիմիր Պուտինին։


Դրանում, մասնավորապես, ասվում է.


«Մեծարգո Վլադիմիր Վլադիմիրի՝


Հայաստանի Կոմունիստական կուսակցությունը, մեր հանրապետության և Ղարաբաղյան կոնֆլիկտի շուրջ սրվող իրավիճակից ելնելով դիմում է Ձեզ։


Անցնող տարվա կտրվածքով, միջազգային որոշ միջնորդներ, երկու կողմերի միջև կոնսենսուսի բացակայության պայմաններում, փորձում են ակտիվացնել իրենց ներկայությունը։ Դա բերում է Ղարաբաղյան հակամարտության շրջանում իրավիճակի սրման, Ադրբեջանի բաղձալի սպասումներին։


Դիմում ենք Ձեզ խնդրանքով, ինչպես դաշնակից երկրի նախագահի, այնպես էլ ԵԱՀԿ Մինսկի խմբի շրջանակներում, անմիջականորեն մասնակցեք բանակցային գործընթացին և օգտագործեք Ձեր բոլոր հնարավորությունները ներազդելու Ադրբեջանի իշխանության վրա։


Միայն Ձեր անձնական միջնորդությունը կարող է կանխել էսկալացիան Ղարաբաղյան հակամարտության շրջանում, որը հղի է ամենածանր և ամենակործանարար հետևանքներով երկու կողմերի համար։


Ինչպես նաև տեղին և ժամանակի հրամայականին համապատասխան ենք համարում Ղարաբաղյան հակամարտության տարածքում ռուսական խաղաղապահ ուժերի տեղակայումը, որը բխում է հայ ժողովրդի կենսական շահերից։


Հայաստանի Կոմունիստական կուսակցությունը աննպատակ և անհեռանկար է համարում տարածաշրջանում ակտիվանալ փորձող այլ աշխարհաքաղաքական սուբյեկտների գոյությունը, որոնք փորձում են իրագործել սեփական նպատակները՝ հաշվի չառնելով երկու ազգերի շահը, առանց այն էլ պայթունավտանգ շրջանում։


Հույս ունենք Ձեր անձնական ակտիվ միջնորդության, որը կարող է կանխել իրադարձությունների անցանկալի ընթացքը»,– ասվում է կուսակցության գրասենյակի կողմից տարածված ուղերձում։


 

Արմեն Սարգսյանն ու Վազգեն Մանուկյանը քննարկել են ՀՀ ներքին ու արտաքին քաղաքականությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար