Զուրաբիշվիլին Մայրենի լեզվի օրվա կապակցությամբ կայցելի Սամցխե-Ջավախք

Վրաստանի նախագահ Սալոմե Զուրաբիշվիլին Մայրենի լեզվի օրվա կապակցությամբ ապրիլի 13-14-ը կայցելի Սամցխե-Ջավախք: Այս մասին հայտնում է 1tv.ge-ն:

Վրաստանի նախագահի աշխատակազմի հաղորդագրության համաձայն` Ախալքալաքում նախագահը հանդիսավոր կերպով բացելու է վրացական այբուբենով նկարազարդված պատը և տեղի բնակչությանը դիմելու է խոսքով:

Զուրաբիշվիլին նաև պարգևատրելու է Զուրաբ Ժվանիայի անվան պետական վարչարարության դպրոցի գերազանց շրջանավարտներին: