ՆԱՏՕ-ի Գլխավոր քարտուղարը կժամանի Վրաստան

ՆԱՏՕ-ի Գլխավոր քարտուղարը հաջորդ ամիս կժամանի Վրաստան: Այս մասին Թբիլիսիում հայտարարել է Վրաստանի պաշտպանության նախարար Լևան Իզորիան:

Վրաստանի պաշտպանական գերատեսչության ղեկավարը այսօր ներկայացրել է նաև այն ռազմավարությունը, որ որդեգրելու է վրացական բանակը 2019 թվականին:

«Մեր գլխավոր առաջնահերթությունը այս տարի լինելու է այնպիսի զինված ուժերի ստեղծումը, որոնք հիմնված կլինեն տոտալ պաշտպանության սկզբունքի վրա: Կամավորների ներգրավումը այսուհետ իրականացվելու է պարզեցված կարգով, ինչը կնպաստի ավելի մեծ թվով շահագրգիռ անձանց ներգրավել բանակային ստորաբաժանումների կազմում»,- նշել է նա: