Էրդողանն ասել է` որն է Թուրքիայի նպատակը Սիրիայում

Երեկ Մոսկվայում կայացել է ՌԴ և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպումը:

Հանդիպումից հետո կայացած մամուլի ասուլիսի ժամանակ Էրդողանը հայտարարել է, որ Թուրքիայի գլխավոր նպատակը Սիրիայում այն «Իսլամական պետություն» ահաբեկչական խմբավորումից և Սիրիայի քրդերի ինքնապաշտպանական ուժերից մաքրելն է:

«Ես փոխանցեցի դա Ռուսաստանին: Մենք գիտենք` ովքեր են նրանց սադրում: Մեր համատեղ պայքարը ահաբեկչական կազմակերպությունների դեմ կշարունակվի, մենք կուժեղացնենք մեր համակարգումը»,-ասել է նա:

Էրդողանը նաև հավելել է, որ քննարկել է Պուտինի հետ Թուրքիայից սիրիացի փախստականների վերադարձը: