Քրդերը չեն մասնակցի Սիրիայի հյուսիսում անվտանգության գոտու ստեղծմանը. Էրդողան

Սիրիայի քրդերի ինքնապաշտպանական ուժերը (YPG) չեն մասնակցի Սիրիայի հյուսիսում անվտանգության գոտու ստեղծմանը: Այդ մասին հայտարարել է Թուրքիայի նախագահ Ռեջեփ Թայիփ Էրդողանը:

«Ես դրական եմ նայում անվտանգության գոտու ստեղծմանը: Խոսել եմ այդ մասին կանցլեր Մերկելի հետ, նա նույնպես դրական է արձագանքել, ինչպես և Սաուդյան Արաբիան, սակայն դրանից հետո նրանցից լուրջ աջակցություն չի եղել: Մենք շարունակում ենք այդ գործընթացը: YPG-ը այդ գործընթացին չի մասնակցելու, մենք այդ գոտին ահաբեկիչներին չենք թողնի: Կգործենք կոալիցիայի հետ»,- ասել է Էրդողանը: