Առաջիկայում կստեղծվի հայ-ռուսական կինոֆոնդ. մշակույթի նախարար

Առաջիկայում կստեղծվի հայ-ռուսական կինոֆոնդ, աշխատանքները տարվում են: Այս մասին ասուլիսում հայտարարեց ՀՀ Մշակույթի նախարար Լիլիթ Մակունցը:

«Ռուսաստանի Դաշնություն կատարած այցի շրջանակներում հանդիպել եմ նախարար Վլադիմիր Մեդինսկու հետ, որի հետ քննարկել ենք մի շարք հարցեր, այդ թվում՝ միասնական կինոֆոնդ ստեղծելու վերաբերյալ: Երկուսս էլ կարևորում ենք դրա ստեղծումը, որի շրջանակներում համատեղ ֆիլմերը ոչ միայն կֆինանսավորվեն ու կնկարահանվեն, այլ նաև կարտահանվեն հայ և ռուս սփյուռքի համար», - հայտարարեց նախարարը: