Հանրահավաքին «հավաքագրում են» նաև դրսում. Փաշինյանի հանձնարարականը բոլոր դեսպաններին

Օգոստոսի 17-ին Երևանում կայանալիք Նիկոլ Փաշինյանի հանրահավաքին ընդառաջ կառավարությունը հանձնարարական է իջեցրել բոլոր դիվանագիտական և հյուպատոսական ներկայացուցչություններին:

Փաստաթուղթը, որը հայտնվել է VERELQ-ի տիրապետության տակ, մակագրված է «շտապ» և ուղարկվել է հասցեատերերին օգոստոսի 15-ին:

Դրանում, մասնավորապես, ասված է.

«Հայ համայնքի ներկայացուցիչների կողմից ՀՀ դիվանագիտական և հյուպատոսական ներկայացուցչությունների տարածքում ուղիղ հեռարձակմամբ հանրահավաքի դիտումը կամ ՀՀ իշխանություններին աջակցող հավաքներ կազմակերպելու առաջարկի ներկայացման և տեխնիկապես դրանք կազմակերպելու հնարավորության դեպքում , խնդրում ենք, ընդառաջել դրանց իրականացմանը, եթե վերջիններիս կազմակերպումը չի հակասում նստավայր երկրի օրենքներին»:

Հիշեցնենք, վարչապետ Նիկոլ Փաշինյանի իր պաշտոնավարման 100 օրը ամփոփելու է վաղը, ժամը 18,30-ին Հանրապետության հրապարակում: