Ադրբեջանն ու Թուրքիան համատեղ մարտավարական զորավարժություններ կանցկացնեն

Ադրբեջանի եւ Թուրքիայի ՌՕՈՒ-երը TurAz Qartalı-2015 անունով համատեղ մարտավարական զորավարժություններ կանցկացնեն: Այդ մասին հաղորդում է haqqin.az-ը վկայակոչելով Ադրբեջանի Պաշտպանության նախարարության մամլո ծառայությանը:

Զորավարժություններում, որոնք կընթանան օգոստոսի 22-ից մինչեւ սեպտեմբերի 18-ը, կմասնակցի Ադրբեջանի եւ Թուրքիայի ավելի քան 30 ավիամիջոց, այդ թվում նաեւ` Mиг-29, F-16 կործանիչներ, Су-25, F-4E ռմբակոծիչներ, C-130 Herkules ռազմափոխադրական ինքնաթիռներ, Ми-35, Ми-17 ռազմական ինքնաթիռներ, ռազմափոխադրական Sikorski UH-60 ինքնաթիռներ, որոնողա-փրկարարական Cougar AS532 ուղղաթիռներ:

Զորավարժությունների ընթացքում կպլանավորվի երկու երկրի ՌՕՈՒ-երի համատեղ գործունեությունը ռազմական գործողությունների անցկացման ուղղությամբ, կկատարվեն ցամաքային թիրախների որոնողա-փրկարարական աշխատանքներ՝օդից հարվածներ հասցնելու նպատակով: