ԱՄՆ-ում հայերն ու հույները հանդես են գալիս Թուրքիային կործանիչներ վաճառելու դեմ

Ամերիկայի հույների միությունը եւ ԱՄՆ հայ դատի գրասենյակն արշավ են սկսել Թուրքիային F-35 կործանիչների վաճառքի դեմ։

Հայտարարության մեջ նշված է, որ չի կարելի կործանիչ վաճառել մի երկրի, որը այն կարող է օգտագործել ամերիկյան զինվորականների կամ տարածաշրջանի դաշնակիցների՝ Հունաստանի, Կիպրոսի, Իսրայելի կամ Հայաստանի դեմ։

Կազմակերպությունները կոչ են անում ԱՄՆ քաղաքացիներին իրենց շրջանների սենատորներին դիմել F-35 կործանիչների վաճառքի դեմ հանդես գալու խնդրանքով։