ՌԴ-ն բավարարել է մեր գնային և ժամկետային պահանջները. Էրդողանը՝ С-400-ների գնման մասին

Թուրքիայի նախագահ Ռեջեփ Թայիփ Էրդողանը La Stampa-ի հետ հարցազրույցում խոսել է Ռուսաստանից С-400 զենիթա-հրթիռային համալիրների ձեռքբերման պատճառների մասին։

Նրա խոսքով՝ թուրքական կողմը բանակցություններ է վարել նման տեխնիկայի ձեռքբերման վերաբերյալ մի շարք երկրների հետ։

«Ինչ վերաբերվում է С-400-ներին, ՌԴ-ն բավարարել է մեր հարցումներն ինչպես գնային և ժամկետային պլանում, այնպես էլ համատեղ արտադրություն հիմնելու և տեխնոլոգիաների փոխանցման համատեքստում»,- նշել է Էրդողանը։