Վեց զոհ, 100-ից ավելի վիրավոր. Վաշինգթոն նահանգում գնացքի վթարի զոհերի թիվը դեռ կավելանա

Ամերիկյան Վաշինգթոն նահանգում գնացքի վթարի պատճառով վեց մարդ զոհվել է, 100-ը հոսպիտալացվել: Այս մասին հաղորդում է CNN-ը:

Սիէթլ քաղաքից ոչ հեռու, կամրջի վրա, գնացքը դուրս է եկել ռելսերից, ինչի հետևանքով երկու վագոնն ընկել են մայրուղու վրա, որը կապում է ամերիկյան խոշոր քաղաքները` Սան-Դիեգոն, Լոս Անջելեսն ու Սիէթլը:

Աղետի պահին գնացքում եղել է 78 ուղևոր, անձնակազմի 5 անդամ, ինչպես նաև տեխնիկական աշխատողը: Գնացքը ընթացքը եղել է 130կմ/ժ:

Տեղական իշխանությունները կանխատեսում են զոհերի թվի աճ: