Հայաստանի բուհերի դիպլոմները կճանաչվեն Իրանում

Իրանում ՀՀ բուհերի դիպլոմների ճանաչման խնդրի մասին բարձրաձայնել է Իրանում Հայաստանի դեսպան Արտաշես Թումանյանը Իրանի մեջլիսի կրթության և հետազոտության հանձնաժողովի նախագահ Մեհդի Զահեդիի հետ հանդիպման ժամանակ:

Հանդիպմանը քննարկվել է Հայաստանի կրթության և գիտության նախարարության և Իրանի գիտության, տեխնոլոգիաների և հետազոտությունների նախարարության միջև ձեռք բերված պայմանավորվածությունների կատարման ընթացքը:

Խոսելով գիտության ոլորտում երկկողմ համագործակցության զարգացման մասին՝ ԻԻՀ մեջլիսի կրթության և հետազոտության հանձնաժողովի նախագահն իր պատրաստակամությունն է հայտնել աջակցելու միջխորհրդարանական համագործակցության ակտիվացմանը: