Բարսելոնայում հայեր չեն տուժել. ԱԳՆ

Իսպանիայում ՀՀ դեսպանության նախնական տվյալների համաձայն՝ Բարսելոնայում տեղի ունեցած միջադեպի հետևանքով տուժածների շրջանում ՀՀ քաղաքացիներ չկան։ Այս մասին հայտնում են ՀՀ արտաքին գործերի նախարարությունից:

Նախօրեին երեկոյան և այսօր գիշերը Կատալոնիայի երկու քաղաքներում՝ Բարսելոնայում և Կամբրիլյեում տեղի է ունեցել երկու ահաբեկչություն, որի հետևանքով զոհվել է 13, վիրավորվել ավելի քան 100 մարդ: Տուժածների թվում են 18 երկրի քաղաքացիներ՝   Ֆրանսիայի, Գերմանիայի, Իսպանիայի, Նիդեռլանդների, Արգենտինայի, Վենեսուելայի, Բելգիայի, Ավստրալիայի, Հունգարիայի, Պերուի, Հյուսիսային Իռլանդիայի, Հունասատանի, Կուբայի, Մակեդոնիայի, Չինաստանի, Իտալիայի, Ռումինիայի, Ալժիրի: Նախնական տվյալներով՝ ահաբեկչություններից չեն տուժել նաև ՌԴ քաղաքացիներ:

Իսպանիայում հայտարարվել է եռօրյա սուգ: