Կիմ Չեն Ընը կարգադրել է զինվորականներին պատրաստ լինել ցանկացած պահի հարվածել Գուամին

Հյուսիսային Կորեայի առաջնորդ Կիմ Չեն Ընը կարգադրել է զինվորականներին պատրաստ լինել ցանկացած պահի հարվածել ԱՄՆ-ին պատկանող տարածքներին, եթե ինքը նման որոշում կայացնի:

Ինչպես հայտնում է Reuters-ը, հյուսիսկորեացի առաջնորդի կարծիքով, Միացյալ Նահանգները պետք է ճիշտ ընտրություն կատարի, որպեսզի հնարավոր լինի խուսափել վտանգավոր հակամարտությունից:

Կիմ Չեն Ընը Կորեայի ազգային բանակի սպաների հետ քննարկել է խաղաղօվկիանոսյան Գուամ կղզում ամերիկյան ռազմաբազային հարվածելու ծրագիրը: Այնուհանդերձ՝ ղեկավարը դեռևս չի շտապում Գուամին հարվածելու հարցում ու այժմ հետևում է ԱՄՆ գործողություններին:

Հյուսիսկորեական կառավարությանը մոտ աղբյուրների փոխանցմամբ՝ Փհենյանը մտադիր է 4 հրթիռ արձակել դեպի Գուամ: