Հայաստանի և Ղազախստանի վարչապետները քննարկել են երկկողմ համագործակցությունը

Ղազախստանի վարչապետ Բակիտժան Սագինտաևն այսօր ընդունել է ՀՀ վարչապետ Կարեն Կարապետյանին: Այս մասին հաղորդում է  primeminister.kz կայքը:

Հանդիպմանը կողմերը քննարկել են առևտրա-տնտեական հարաբերությունների հետագա զարգացումը, մասնավորապես ծառայությունների և ժամանակակից տեխնոլոգիաների ոլորտներում: Այս կոնտեքստում հատկապես ընդգծվել է առևտրա-տնտեսական համագործակցության ղազախա-հայկական միջկառավարական հանձնաժողովի արդյունավետ աշխատանքը:

Քննարկվել են նաև տրանզիտա-լոգիստիկ ներուժի զարգացմանը նվիրված հարցեր, միջազգային կազմակերպություններում փոխգործակցությունը և ինտեգրացիոն գործընթացների ամրապնդումը ԵԱՏՄ շրջանակում: