Ինչի՞ հաշվին է նախարարի ապահովագրական ընկերությունն ավելացրել հարկերը (տեսանյութ)

«Ինգո Արմենիա» ապահովագրական ընկերությունը այս տարվա երկրորդ եռամսյակում, 2016 եւ 2015 թվականների նույն ժամանակահատվածի համեմատ, զարմանալիորեն ավելացրել է պետական բյուջե կատարած հարկային վճարումները:

Armlur-ը գրում է, որ ապահովագրական այս ընկերությունը, որի գլխավոր տնօրենը առողջապահության ներկայիս նախարար Լեւոն Ալթունյանն էր, տեղ է գտել ՀՀ պետական եկամուտների կոմիտեի կողմից հրապարակած հազար խոշոր հարկատուների ցանկում: Այսպես՝ «Ինգո Արմենիա»-ն այս տարվա երկրորդ եռամսյակում պետական բյուջե վճարել է 530 մլն 536 հազար դրամ հարկ ու տուրք եւ զբաղեցրել ցանկի 141-րդ տեղը: Մինչդեռ նույն ընկերությունը անցած տարվա նույն ժամանակահատվածում կատարել է 267 մլն 474 հազար դրամի չափ հարկային վճարումներ:

Ստացվում է, որ մեկ տարվա ընթացքում առողջապահության նախարար Ալթունյանի ապահովագրական ընկերությունը ավելի քան 263 մլն դրամով ավելացրել է հարկային վճարումները: Սա դեռ ամենը չէ. պարզվում է, որ «Ինգո Արմենիան» 2015 թվականին էլ է տեղ գտել հազար խոշոր հարկատուների ցանկում, բայց քիչ հարկ է վճարել:

Առավել մանրամասն` ArmLur.am-ի տեսանյութում: