Ընդլայնվում է ՀԱՊԿ շրջանակում արտակարգ իրավիճակներին արձագանքելու հնարավորությունը

Հուլիսի 11-ին ՀՀ արտակարգ իրավիճակների նախարար Դավիթ Տոնոյանն ընդունեց ՀԱՊԿ գլխավոր քարտուղարի տեղակալ Վալերի Սեմերիկովին և ՀԱՊԿ քարտուղարության փորձագետ Վալերի Նեկլյուդովին:

Հանդիպման ընթացքում քննարկվեց ՀԱՊԿ Օպերատիվ արձագանքման հավաքական ուժերի շրջանակներում արտակարգ իրավիճակների կանխարգելման և արձագանքման շուրջ համագործակցության ակտիվացման հնարավորությունը:

Անդրադառնալով տարածաշրջանում բնակչության պաշտպանության և պատրաստվածության մակարդակի բարձրացման հիմնախնդիրներին կողմերը նշեցին արտակարգ իրավիճակներին համատեղ արձագանքման վերաբերյալ ուսումնավարժության կազմակերպման անհրաժեշտությունը:

Նման միջոցառումները կնպաստեն ՀԱՊԿ շրջանակներում աղետների ռիսկի նվազեցմանն և բնակչության դիմակայունության մակարդակի բարձրացմանը: