Միացյալ Նահանգների փոխնախագահ Մայք Փենսը կայցելի Վրաստան

Միացյալ Նահանգների նախագահ Դոնալդ Թրամփի հրահանգով, փոխնախագահ Մայք Փենսը մեկ ամսից կայցելի Էստոնիա, Վրաստան եւ Մոնտենեգրո, «Ամերիկայի Ձայն»-ին հայտնել են փոխնախագահ Փենսի գրասենյակից:

Թալինում ԱՄՆ-ի փոխնախագահը կհանդիպի երեք Բալթյան երկրների՝ Էստոնիայի, Լատվիայի ու Լիտվայի նախագահներին:

Թբիլիսիում Մայք Փենսը Վրաստանի նախագահ Մարգվելաշվիլիի եւ վարչապետ Քվիրիկաշվիլիի հետ նախատեսում է քննարկել երկկողմ հարաբերությունները, ինչպես նաեւ ներկա գտնվել ԱՄՆ-ի եւ Վրաստանի միասնական զորավարժություններին:

Պոդգորիցայում փոխնախագահ Փենսը քննարկելու է ԱՄՆ-ի եւ Մոնտենեգրոյի միջեւ համագործակցության զարգացումը: