ՄԱԿ․ Ծայրահեղականությունը «աճող սպառնալիք» է Կենտրոնական Ասիայի երկրների համար

Ծայրահեղականությունը «աճող սպառնալիք» է Կենտրոնական Ասիայի երկրների համար։ Այս մասին հայտնել է ՄԱԿ գլխավոր քարտուղար Անտոնիու Գուտերեշը՝ ելույթ ունենալով Աշխաբադում Բարձր մակարդակի երկխոսության ընթացքում, փոխանցում է ՄԱԿ-ի ռադիոն։

Նրա խոսքով, ահաբեկչական կազմակերպություններն ակտիվ փորձում են իրենց շարքերում ներառել Կենտրոնական Ասիայի պետությունների քաղաքացիներին։Նա նշել է , որ նրանց մասնակցությունը նման կազմակերպությունների գործունեությանը սպառնալիք է ոչ միայն ընդհանուր միջազգային համայնքի, այլեւ նրանց հայրենի երկրների համար ։

Գուտերեշը նկատել է, որ «ակտիվ ու կենսունակ քաղաքացիական հասարակության» ձեւավորումը ահաբեկչության դեմ արդյունավետ պայքարի պայմաններից մեկն է։ Ընդ որում Գուտերեշը նկատել է, որ ահաբեկչության դեմ պայքարի ոլորտում արդյունավետ ռազմավարությունը պետք է հիմնված լինի մարդու իրավունքների հայեցակարգի վրա։