ԻՊ-ը Կենտրոնական Ասիայի և ՌԴ հարավային շրջանների ապակայունացում է ծրագրում. Պուտին

«Իսլամական պետությունը» Կենտրոնական Ասիայի եւ Ռուսաստանի հարավային շրջանների ապակայունացման ծրագրեր է նախապատրաստում, իսկ Սանկտ Պետերբուրգում ահաբեկչության հետաքննությունը հաստատել է Շանհայի համագործակցության կազմակերպության երկրներում խմբավորման բջիջների գոյությունը։ Այս մասին հայտարարել է ՌԴ նախագահ Վլադիմիր Պուտինը Աստանայում, ՇՀԿ առաջնորդների նիստում, փոխանցում է «ՌԻԱ Նովոստի»-ն։

«ՇՀԿ երկրներում ստեղծվել եւ գործում են ԻՊ-ի ընդհատակյա խմբավորումներ։ Դա ցույց տվեց Ռուսաստանում՝ Պետերբուրգում ահաբեկչության հետաքննությունը։ Ըստ առկա տվյալների՝ ԻՊ-ն Կենտրոնական Ասիայի եւ Ռուսաստանի հարավային շրջանների ապակայունացման նոր ծրագրեր է մշակում»,-ասել է Պուտինը։

Նրա խոսքով՝ անհրաժեշտ է ամրապնդել կազմակերպության հատուկ ծառայությունների համակարգումը նաեւ տարածաշրջանային հակաահաբեկչական կառույցի շրջանակում։