ՌԴ-ը դատապարտել է Ղարաբաղում Ադրբեջանական զինուժի իրականացրած հրթիռակոծությունը

Մայիսի 15-ին ադրբեջանական հրթիռով խոցված ռազմական օբյեկտի բնույթի, վնասվելու աստիճանի ու զոհերի առկայության վերաբերյալ տվյալներն իրարամերժ են: Այս մասին է հայտարարել ՌԴ ԱԳՆ-ն՝ միջադեպի վերաբերյալ PanARMENIAN.Net-ին տված մեկնաբանությունում:

«ՌԴ-ն որպես ղարաբաղյան հակամարտության կարգավորման միջնորդ դատապարտում է կրակի դադարեցման ռեժիմի բոլոր խախտումներն ու կոչ է անում կողմերին ձեռնարկել բոլոր միջոցները հակամարտության գոտում հետագա սրումից խուսափելու համար»,- ասվում է մեկնաբանությունում:

ՊԲ հաղորդագրության համաձայն, մայիսի 15-ին, շփման գծի արևելյան ուղղությամբ հակառակորդը կիրառել է «Սպայկ» տիպի կառավարվող հրթիռ, ինչի հետեւանքով մասնակի վնասվել է մեկ ռազմական տեխնիկա: Պաշտպանության բանակը մարդկային կորուստ չի ունեցել:

Ադրբեջանական կողմի հայտարարությամբ, երկրի զինուժը թիրախավորել էր «Օսա» զենիթահրթիռային համալիր: