Ադրբեջանցիները սադրանքների են դիմում, սակայն բանակցություններն այլընտրանք չունեն. ԱԳՆ

Ադրբեջանը սադրանքների է դիմում, սակայն բանակցություններն այլընտրանք չունեն: Այս մասին NEWS.am-ի թղթակցին ասել է ՀՀ արտաքին գործերի նախարար Էդվարդ Նալբանդյանը:

Նա հիշեցրել է, որ հունիսին նախատեսվում է ԵԱՀԿ Մինսկի խմբի համանախագահների այցը տարածաշրջան (Ռուսաստանի, Ֆրանսիայի եւ ԱՄՆ-ի): Դրանից հետո, եթե անհրաժեշտ լինի, տեղի կունենա Ադրբեջանի եւ Հայաստանի արտաքին գործերի նախարարների հանդիպումը:

«Իհարկե, ադրբեջանցիները շարունակում են զինված սադրանքների դիմել, սակայն բանակցություններն այլընտրանք չունեն, դրանք պետք է շարունակել», - հավելել է Նալբանդյանը: