Վերլուծաբան. Մոսկվան ու Անկարան ունեն ավելի շատ հատման կետեր, քան տարաձայնություններ

Մոսկվան ու Անկարան այսօրվա դրությամբ ունեն ավելի շատ հատման կետեր, քան տարաձայնություններ, ինչպես ռազմա–քաղաքական, այնպես էլ առևտրա–տնտեսական ոլորտներում: Այդ մասին հայտարարել է վերլուծաբան Վլադիմիր Սոտնիկովը, փոխանցում է РИА Новости–ն։

Անդրադառնալով ռուս–թուրքական տնտեսական համագործակցությանը նա նշել է, որ ՌԴ–ի ու Թուրքիայի միջև նախատեսվում են խոշոր նախագծեր, այդ թվում էներգետիկ ոլորտում։

«Կողմերը նախատեսում են կյանքի կոչել խոշոր նախագծեր, այդ թվում Հարավային հոսքը։ Սակայն ռուսական ինքնաթիռի խոցումից հետո այդ նախագծերը սառեցվել էին։ Այժմ հարաբերությունները վերականգնվում են»,- հավելել է նա։