Մակրոն. Մեծ Բրիտանիայի օրինակով Եվրամիությունը կարող է բախվել Frexit-ի

662
Ֆրանսիայի նախագահի թեկնածու, «Նա մաղշե» (Առաջ) շարժման հիմնադիր Էմանուել Մակրոն, Ֆոտո՝ www.independent.co.uk
Ֆրանսիայի նախագահի թեկնածու, «Նա մաղշե» (Առաջ) շարժման հիմնադիր Էմանուել Մակրոն, Ֆոտո՝ www.independent.co.uk

Ֆրանսիայի նախագահի թեկնածու, «Նա մաղշե» (Առաջ) շարժման հիմնադիր Էմանուել Մակրոնը հայտարարել է, որ Մեծ Բրիտանիայի օրինակով Եվրամիությունը կարող է բախվել Frexit-ին (ԵՄ-ից Ֆրանսիայի դուրս գալուն), եթե այն չիրականացնի բարեփոխումներ: Այս մասին հայտնում է «Բի-բի-սի» գործակալությունը:


Մակրոնը, ով «Ազգային ճակատ» կուսակցության առաջնորդ Մարին Լե Պենի հետ անցել է Ֆրանսիայի նախագահի ընտրությունների երկրորդ փուլ, հայտարարել է, որ ընտրարշավի ընթացքում միշտ պաշտպանել է միասնական Եվրոպայի գաղափարը, քանի որ գիտակցում է դրա կարեւորությունը Ֆրանսիայի համար: «Միեւնույն ժամանակ մենք պետք է նայենք իրավիճակին, լսենք մեր մարդկանց, որոնք զայրացած են: Եվրամիության խախտված գործունեությունն այլեւս չի բավարարում ոչ մեկին», - ասել է նա:


Հենց այդ պատճառով «Նա մաղշե» շարժման հիմնադիրը կարծում է, որ իր կողմից դավաճանություն կլինի, եթե թույլ տրվի Եվրամիությանը գործել այս տեսքով: «Ես չեմ ցանկանում այդպես վարվել, քանի որ հաջորդ օրն իսկ մենք կստանանք Frexit կամ նորից «Ազգային ճակատ» կուսակցություն»,- ասել է նա:


Հիշեցնենք, որ Լե Պենը եւ Ֆրանսիայի էկոնոմիկայի նախկին նախարար և նախագահի թեկնածու Էմանուել Մակրոնը կմրցեն մայիսի 7-ին կայանալիք Ֆրանսիայի նախագահական ընտրությունների երկրորդ փուլում: Ընտրվելու պարագայում Լե Պենը խոստանում է բարձրացնել եվրոյի գոտուց դուրս գալու հարցը եւ դնել այն հանրաքվեի, իսկ Մակրոնն ընդհակառակը, կողմ է արտահայտվում Եվրամիության ինստիտուտների հզորացման:


Ֆրանսիայի նախագահական ընտրությունների առաջին փուլում Մարկրոնը ստացել է ձայների 23․75%-ը, իսկ «Ազգային ճակատ» կուսակցության առաջնորդ Մարին Լե Պենը՝ 21․53%-ը։ Երկու թեկնածուներն անցել են ընտրությունների հաջորդ փուլ։

Տպել

Թեմայի այլ նորություններ
Загрузка...