Անձրևոտ օրեր և ուժեղ քամի. առաջիկա օրերի եղանակի կանխատեսումը

«Հիդրոօդերևութաբանության և մոնիթորինգի կենտրոնը» ներկայացրել է առաջիկա օրերի եղանակային կանխատեսումը, ըստ որի՝ հանրապետությունում սպասվում է անկայուն եղանակ:

Մայրաքաղաքում.

Մայիսի 19-ի և 20-ի երեկոյան ժամերին, ինչպես նաև մայիսի 21-24-ը Երևանում ժամանակ առ ժամանակ սպասվում են կարճատև անձրևներ և ամպրոպ: Ամպրոպի ընթացքում հնարավոր է քամու ուժգնացում՝ 17-20 մ/վ արագությամբ:

Մարզերում.

Մայիսի 19-ի և 20-ի ցերեկը, ինչպես նաև մայիսի 21-ից 24-ն առանձին շրջաններում կդիտվեն տեղումներ: Հնարավոր է ոչ միայն անձրև ու ամպրոպ, այլև տեղ-տեղ՝ կարկուտ: Միայն մայիսի 20-ի գիշերն է սպասվում առանց տեղումների եղանակ: Ամպրոպների ժամանակ քամու ուժգնությունը կարող է հասնել 18-22 մ/վ-ի:

Ջերմաստիճանը.

Օդի ջերմաստիճանը մայիսի 19-ի ցերեկը կնվազի 2-3 աստիճանով, սակայն արդեն մայիսի 20-ի ցերեկը նույնքանով կբարձրանա: