Անհետ կորած ռուս զինծառայողի մոտ զենք չի եղել. Մանրամասներ

ՀՀ ոստիկանությունը շարունակում է Գյումրու ռուսական ռազմաբազայից անհետ կորած ռուս զինծառայողի որոնման աշխատանքները:

Շիրակի մարզի դատախազ Կարեն Գաբրիելյանի խոսքով, կառույցի ունեցած տեղեկությունների համաձայն 35-ամյա Դմիտրի Լոշմանովը եղել է առանց զենքի ու զինվորական համազգեստի՝ քաղաքացիական հագուստով:

Այլ տեղեկություններ այս պահին նա չհայտնեց՝ նշելով, որ որոնողական աշխատանքներն ընթացքի մեջ են:

Հիշեցնենք, ավելի վաղ VERELQ-ը գրել էր, որ Լոշմանովը ապրիլի 16-ի առավոտյան դուրս է եկել հանրակացարանից գնումների և չի վերադարձել: Նրա գտնվելու վայրը ճշտվում է: