Հարցում. ՆԱՏՕ–ին անդամակցելու օգտին է արտահայտվել վրացիների 56%–ը

ԱՄՆ–ի միջազգային հանրապետական ինստիտուտը ներկայացրել է սոցհարցման արդյունքները, որտեղ տեղ են գտել Վրաստանի քաղաքացիներին հուզող հարցերը, փոխանցում է sputnik-georgia.ru–ն։

Վրաստանի քաղաքացիները հիմնական խնդիր են համարում գործազրկությունը` 47%, տնտեսական ճգնաժամը` 24%, տարածքային ամբողջականությունը` 9%։

IRI–ի հարցումը ցույց է տվել, որ երկրի քաղաքացիները կողմ են Վրաստանի` եվրոպական և եվրաատլանտյան կառույցներին անդամակցությանը։

ԵՄ–ին անդամակցելու օգտին է արտահայտվել հարցվածների 64%–ը` գերազանցելով նախորդ տարվա ցուցանիշը մեկ տոկոսով։ ՆԱՏՕ–ին անդամակցելու օգտին է արտահայտվել հարցվածների 56%–ը։

ՌԴ–ի նկատմամբ քաղաքականության վերաբերյալ հարցին հարցվածների 53%–ը հայտարարել է, որ ՌԴ–ի նկատմամբ քաղաքականությունը պետք լինի արևմտամետ` Մոսկվայի հետ լավ հարաբերություններին զուգահեռ, արևմտամետ քաղաքականության օգտին արտահայտվել է հարցվածների 23%–ը, ռուսամետ` 3%–ը։