ՀՀ-ում թուլացվում են պետական ինստիտուտները, խորանում է անպատժելիությունը․ ՀՅԴ Հայաստանի ԳՄ

ՀՅԴ Հայաստանի Գերագույն Մարմինը հայտարարություն է տարածել․

«Խստորեն դատապարտում ենք Մերձավան բնակավայրում տեղի ունեցած զինված հարձակումը։

Տեղի ունեցածը հերթական անգամ ապացուցում է, որ Հայաստանի Հանրապետությունում թուլացվում են պետական ինստիտուտները, խորանում է անպատժելիությունը, իրավապահ համակարգն իրականացնում է ընտրովի արդարադատություն, իսկ առկա ներուժն օգտագործվում է քաղաքական հետապնդումների նպատակով:

Իշխանությունը քրեականացնում է այլախոհությունը, հալածում հոգևորականներին ու ընդդիմախոսներին, միաժամանակ՝ քաղաքացիներին թողնելով անպաշտպան զինված հանցագործների դեմ։

Սա արդեն ոչ թե անգործություն է, այլ ուղղակի հանցակցություն»։