Փաշինյանն «արդյունավետ» է որակել Բրյուսելում ունեցած հանդիպումները

ՀՀ վարչապետ Նիկոլ Փաշինյանը «արդյունավետ և ընդլայնված» է գնահատել իր հանդիպումը Եվրոպական խորհրդի նախագահ Անտոնիու Կոշտայի և ԵՄ հանձնաժողովի նախագահ Ուրսուլա ֆոն դեր Լայենի հետ՝ շեշտելով երկխոսության խորությունը և փոխըմբռնման մակարդակը:

Ֆեյսբուքի իր էջում հրապարակած գրառմամբ վարչապետը նշել է, որ հանդիպումը բովանդակային է եղել և կարևոր նախադրյալ է հետագա համագործակցության համար։ Բրյուսելում վարչապետի աշխատանքային այցը շարունակվում է․ նա հանդիպումներ կունենա նաև ԵՄ ընդլայնման հարցերով հանձնակատար Մարտա Կոսի և Բելգիայի վարչապետ Բարտ Դը Վեվերի հետ։