Ֆիննախը խոստանում է բյուջեի դեֆիցիտը նվազեցնել 1%՝ 2030-ին

Հայաստանը ձեռնարկել է պետական բյուջեի պակասուրդի փուլային նվազեցման գործընթաց։ 2026 թվականին այն նախատեսվում է սահմանել 4.5 տոկոսի սահմանում, իսկ 2030-ին՝ ընդամենը 1 տոկոսի։

Այս մասին հունիսի 16-ին կայացած մամուլի ասուլիսի ընթացքում հայտարարեց ՀՀ ֆինանսների նախարար Վահե Հովհաննիսյանը, նշելով, որ մեկ շաբաթ առաջ կառավարության կողմից հաստատված միջնաժամկետ ծախսային ծրագիրը «խիզախ և հավակնոտ փաստաթուղթ» է։

«Այս ծրագրով մենք հստակ ցուցադրեցինք բյուջեի պակասուրդը նվազեցնելու մեր հանձնառությունը», — ընդգծեց նախարարը՝ հիշեցնելով, որ 2025 թվականի բյուջեով նախատեսված պակասուրդը 5.5 տոկոս է։

Վահե Հովհաննիսյանը վստահեցրեց, որ բյուջեի պակասուրդի կրճատումը որևէ կերպ չի վտանգի պետական առաջնահերթ ծրագրերի իրականացումը, և բոլոր կարևոր ուղղությունները կշարունակեն ստանալ անհրաժեշտ ֆինանսավորում։