Ալիևը՝ ՌԴ-ի և Թուրքիայի հարաբերություններում Ադրբեջանի դերակատարման մասին

Բաքուն կայունացնող դեր է կատարում տարբեր պետությունների միջև հարաբերություններում: Ինչպես հաղորդում է Interfax գործակալության ադրբեջանական ծառայությունը, այս մասին հայտարարել է Ադրբեջանի նախագահ Իլհամ Ալիևը Բաքվի գլոբալ 5-րդ ֆորումին:

«Մեր երկու հարևանների (Թուրքիա և Ռուսաստան) հրաբերություններում դեռ վերջերս լուրջ լարվածություն կաար, և մենք մեր դերակատարումն ենք ունեցել նրանց հաշտեցնելու գործում: Մենք կարողացել ենք հասնել մեր նպատակներին»,-ասել է Ալիևը:

Նրա խոսքով՝ վերջին իրադարձությունները ցույց են տալիս, որ Մոսկվան և Վաշինգտոնը Բաքվին հուսալի գործընկեր են համարում:

«Վերջերս Բաքվում կայացել է պատմական իրադարձություն: ԱՄՆ-ի և Ռուսաստանի ՊՆ նախարարները որոշում էին կայացրել իրենց գլխավոր շտաբերի հրամանատարների հանդիպումն անցկացնել Ադրբեջանում: Դա մեր նախաձեռնությունը չէր: Նրանք են դիմել մեզ նման առաջարկով»,- ասել է Ադրբեջանի նախագահը: