Աննա Պետրոսյանի թեկնածությունն առաջադրվել է ՄՊՀ-ի անդամի պաշտոնում

Այսօր՝ ապրիլի 23-ին, Հայաստանի կառավարությունն իր նիստում որոշում է կայացրել առաջադրել Աննա Պետրոսյանի թեկնածությունը Մրցակցության պաշտպանության հանձնաժողովի անդամի պաշտոնում:

Որոշման մեջ նշվում է. «Ղեկավարվելով «Տնտեսական մրցակցության պաշտպանության մասին» օրենքի 29-րդ հոդվածի 4-րդ և 5-րդ մասերով` Հայաստանի Հանրապետության կառավարությունը որոշում է. Մրցակցության պաշտպանության հանձնաժողովի անդամի պաշտոնում առաջադրել Աննա Պետրոսյանի թեկնածությունը»:

Հարկ է նշել, որ հանձնաժողովի անդամի ընտրությունը կայանալու է Ազգային ժողովում: Մրցակցության պաշտպանության հանձնաժողովը կարևոր կարգավորող մարմին է, որն ապահովում է հակամենաշնորհային օրենսդրության պահպանումը և շուկայի բոլոր մասնակիցների համար հավասար պայմանների ստեղծումը: